Le Anti Pagelle (ironiche) in Napoletano di Napoli-Lazio 4-2

REINA: Te si mis a jucà cu e pier chesta partit, secondo me vai a fa e passagg cu Borja Valero a ser. Comunque pur si ogni tant te lasc'n rint a merd a difes, tu t'ha cav semp. O GUARDIAPORT. Voto 6.5


HENRIQUE: Nun può attaccà pecché primm Anderson e po Lulic te venen a rompere a mazzarella. In difesa però a presenz a tien, t'adatt buon pur si nun si nu terzin e ruol. FATICATOR. Voto 6


RAUL ALBIOL: Ogg stiv ca sciatic ammiez o camp. Ogni tre pass ce vulev n'arrunzat pe te fa movr. Lulic parev Van Basten contr a te quann ha signat. Quann nun c'ha fai chiù pecché nun te ciunc e t'assiett? STIV ACCIS. Voto 5


BRITOS: I primm riec minut fai venì l'infart a gent pe comm juoc, po aropp t'arrepigl e c'arrepigliamm pur nuje. Oggi cu chella salma e Albiol a fianco nun er semplice s'adda ricere. NTUSTAT. Voto 6



GHOULAM: Stai avanzann semp e chiù partit aropp partit e pur difensivament stai migliorann. Però uagliò chisti cross che fai nun se ne scennen proprij. Vutt ammiez cierti paposcie...CUSCUS Voto 6.5



BEHRAMI: Ce mancav a sustanz che tien tu ammiez o camp. Ogg cu te affianc Jorginho nun è svenut comm a semp aropp vint minut. O PASTOR TEDESCO. Voto 6.5


JORGINHO: Ogni tant te fai cocc scartatell e cu Behrami affianc te astip chiù ciat e può fa e passagg tuoj senza problem. Si fuss nu pucurill chiù turzut magari durass pur chiù assaje. O' BIONDO. Voto 6.5



MERTENS: E' cacciat natu capolavoro cumpà. Tien duj pier che ogni tant se fann ascì cierti piezz che fann paur e Berisha ne sap coccos. E' luat e feline a rint a port! Si chill chiù in forma e zump l'avversario comm a l'acqua fresca. SFORNA CAGNOMME. Voto 7.5


PANDEV: Quann te ntuost nterr e stai spall a port nisciun te mov. E' buon pecché riesc a passà nu sacc e pallun pe l'attaccant. La tua capa che assomiglia alla 2 euro ti fa rispendere al sole così da accecare gli avversari. A CHIERICA. Voto 7


INSIGNE: Ogg fai partit e sustanz pur si ogni tant pruov a schiattà o purtier lor rint a port ma nun te ven bon. Te stai truvann semp megl cu Higuain e chest è na ottima cos. FRICCICARIELLO. Voto 6.5


HIGUAIN: Loc annanz nun t'arrienn maj. Ce crir semp e sti tre gol t'è si guaragnat aropp tutt a fatic ch'è fatt rint a chesta partit currenn appriess o pallon. Ricimm ca cu chisti tre gol te si saziat pur tu. PANZA CHIEN. Voto 8


FERNANDEZ: Si trasut o post e Albiol che stev venenn men e hai jucat buon sia in difesa ca cu e pier. BACCHETTONE. Voto 6

CALLEJON: Putiv signà ngopp a un re primm pallun ch'è tuccat, ma Berisha s'è arricurdat che jucav cu a Lazio. TE SI ARREPUSAT. Voto s.v.


MESTO: Uè stai pur tu Giandomè! Ogg arap na culomb pe festeggià a saluta toja! A BELLEZZA TOJA. Voto s.v.


BENITEZ: Jamm che aropp chesta vittoria te può magnà a pastier n'santa pace! Man man stann turnann pur gli infortunati e po essr ca pe Pasquetta facit o pullmann pe ghì a festeggià miez a cocc terr cu casatiell, tortano e vin russ. Stai rint o tuoje po! CASATIELLO. Voto 7.